Алтай тилдиҥ кабинединиҥ ачылтазы

Кочкор айдыҥ 27-чи кÿнинде «Д.Т.Тоедовты адыла адалган Кöзÿлдеги орто ÿредÿлÿ школдо» алтай тилдиҥ кыптарыныҥ (баштамы ла орто ÿредÿлÿ школдо) учурлу ачылтазы бийик кеминде öтти. Аймак башчы Кокушев Рустам Владимирович, школдыҥ директоры Ябыева Ай-Сулу Александровна, «5» темдектерге ÿренип тургандар: Казакбаев Амирхан, Яюшкин Вадим кызыл ленталарды кезип, алкап, айылчыларды кееркедилген кыптарга кычырдылар. Мында кайкал, мында оморкоду! Ӱредÿ бöлÿкти башкарган Чуйчина Нина Михайловна, алтай тил ле литератураныҥ ÿредÿчилериниҥ биригÿзи, баштамы класстардыҥ ÿредÿчилериниҥ биригÿзи уткуул сöзинде «алтай кижиниҥ тилинде - алтай тилдиҥ кимирти» деп, jолду темдектеген.
Кÿреелей jуулган айылчыларга ÿренчиктер, ÿредÿчилер сÿрлÿ ойын сыйлап,тöрöл тилиле ÿлгерлер айдып, сценка-ойын кöргÿскиледи. Алтай тилдиҥ кыптарыныҥ ачылтазына турушкандарга быйанын айдып, «алын jолыгар ачык болзын, кийин jолыгар курчуулу болзын» - деп алкадылар.